13:25, 15 Ақпан 2016 | GMT +5
Павлодарда өрт сөндірушілер отқа оранған үйден үш адамның мүрдесін тапты
ПАВЛОДАР. ҚазАқпарат - Павлодарда бүгін Абай көшесі бойындағы жекеменшік үйде сағат 06.19 минутта өрт шықты, - деп хабарлады ТЖД баспасөз қызметі.

Жалын 07:30-да ауыздықталып, сағат 11.42-де толық сөндірілді. Өрт 100 шаршы метрді шарпыды. Үйден 1975 жылы туған ер адам мен 1997 жылы туған бозбаланың, сондай-ақ 37 жастағы әйелдің мүрдесі табылды.
Өртті сөндіруге жеке құрамнан 27 адам, 7 бірлік техника тартылды.
Адамдардың қаза болу себептері анықталуда.