Павлодарда өтетін пәндер арасындағы олимпиадаға оқу үздіктері жиналмақ
ПАВЛОДАР. 10 қаңтар. ҚазАқпарат /Вера Ливинцова/ - Павлодар облысында 14-15 қаңтар күндері жалпы білім беретін пәндер бойынша оқушылар арасындағы республикалық мектеп олимпиадасының екінші сатысы басталады, деп хабарлады «Ертіс дарыны» аймақтық ғылыми-тәжірибелік орталығы.
8-10 сынып арасындағы оқу үздіктері қазақ тілі мен әдебиеті, орыс тілі мен әдебиеті, Қазақстан тарихы, құқық негіздері, шет тілі, математика, физика, биология, химия, информатика және география пәндері бойынша білімдерін ортаға салады. Үздік оқушылар облыстық олимпадаға жолдама алады.
