Павлодарда өткен жалпықалалық сенбілікке 35 мыңнан астам тұрғын атсалысты
ПАВЛОДАР. 18 сәуір. ҚазАқпарат /Вера Ливинцова/ - Өткен сенбі күні 35 мың павлодарлық, күннің бұлтты болғанына қарамастан, нұротандықтар мен жұртшылықтың шақыруына үн қатып, сенбілікке шықты.
Қалада саябақтар мен скверлер ретке келтірілді - өткен жылдан қалған жапырақтар мен қысы бойы жиналған қалдық-қоқыстар жүк көліктеріне тиеліп, қала сыртына шығарылды, жас көшеттер отырғызылды.
Ағаш отырғызуға облыс әкімі Бақытжан Сағынтаев та атсалысты. Әкім журналистерге сондай-ақ Гагарин атындағы ескі саябақ пен Павел Васильев атындағы скверді жаңарту, абаттандыру жоспарлары туралы әңгімелеп берді.
