Павлодарлық нұротандықтар «Балалар мен жасөспірімдер экология және туризм орталығының» балаларымен бірге «Ағашты сақтап қал!» акциясын өткізді
ПАВЛОДАР. 21 тамыз. ҚазАқпарат - Павлодарлық нұротандықтар «Балалар мен жасөспірімдер экология және туризм орталығының» балаларымен бірге «Ағашты сақтап қал!» акциясын өткізді, деп хабарлады «Нұр Отан» ХДП-ның облыстық филиалынан.
Партияның қалалық филиалы төрағасының бірінші орынбасары Арман Ешмұратов Мемлекет басшысының «Қазақстанның әлеуметтік жаңғыртылуы -Жалпыға Ортақ Еңбек Қоғамына қарай 20 қадам» мақаласында қоғам алдында қойып отырған міндеттер туралы айтып өтті.
Балалар партиялықтармен бірге ағаштарды қысқы отырғызуға арналған шұңқырлар қазып, экология және туризм орталығының тәрбиеленушілері ғасырдың басында отырғызған үшінші мыңжылдық аллаеясын тазалады.
Акция еңбек десантының барлық қатысушыларына тәтті сыйлықтарды берумен, қонақтардың «Жас эколог» мұражайы мен орталықтың оранжереясына жасаған экскурсиясымен аяқталды.
