Павлодарлық жас белсенділер «Салауатты өмір салты үшін» форумын өткізді

ПАВЛОДАР. Шілденің 2-сі. ҚазАқпарат /Вера Ливинцова/ - Жастар ұйымдарының көшбасшылары мен белсенділері қала сыртындағы демалыс үйінде екі күндік «Салауатты өмір салты үшін» форумын өткізді,

деп хабарлады «Павлодар облысы балалар және зейнеткерлер ұйымдарының одағы» қоғамдық қорынан.

Елуге тарта жас қыздар мен балалар көшбасшылық қасиеттерді тәрбиелеуге, ұйымдастырушылық қабілеттерді шыңдауға арналған семинар-тренингтерге қатысты, замандастары арасында салауатты өмір салтын көңілге қонымды етіп насихаттау жолдарын үйренді.

«Сабақтар арасындағы үзілістерде біз жастар арасында спорт ойындарын ұйымдастыру әдістерімен танысып, футбол ойнадық, шахмат және дойбы турнирлерін өткіздік», - дейді қоғамдық қордың үйлестірушісі Юлия Вяткина.