Пхёнчхан-2018: Алғашқы ойындар қай күні басталатыны белгілі болды
XXIII қысқы Олимпиада ойындарының ресми ашылу салтанаты 9 ақпанға жоспарланған. Ал ресми жабылуы 25 ақпанда өтеді. Алайда, алғашқы іріктеу жарыстары 8 ақпан күні басталады. Бұл күні керлинг және трамплиннен секіруден жарыстар басталып кетеді.
Бұл Оңтүстік Кореядағы жарыс Саппоро (1972) мен Наганодан (1998) кейін Азия құрлығында өтетін үшінші қысқы Олимпиада ойындары болмақ.
Осыған дейін хабарлағанымыздай Пхёнчхан қысқы Олимпиаданы өткізуге үшінші рет таласқан болатын. Бұған дейін 2010 жылы Ванкуверге, кейін Ресейдің Сочи қаласына жол беріп қойған еді.
2018 жылғы Олимпиада ойындарына 95 ұлттық Олимпиадалық комитеттің атынан 2 900 спортшы қатысады деп күтілуде. Онда барлығы 102 медаль жиынтығы сарапқа салынады.
Жарыс екі кластерде орналасқан 12 спорт нысанында өтеді.