Пилоттық жоба: Алматыда «Сергектің» жаңа қызметі мыңнан астам заң бұзушылықты анықтады

АЛМАТЫ. KAZINFORM — Алматыда пилоттық режимде 1 ай бұрын «Сергек» бейнебақылау камераларының жаңа функциясы іске қосылды.

Жаңа қызмет қосылған камералар тек Сәтбаев көшесінің бойында Достық даңғылынан Уәлиханов көшесіне дейін орнатылған. Бейнекамералар тұраққа қою ережелерін бұзған көліктерді, оның ішінде екінші қатармен қойылған көліктерді анықтайды. 

Алматы қаласы Полиция департаментінің мәліметінше, пилоттық жоба іске қосылғаннан бері 948 заң бұзушылық тіркелген. Алайда белгіленген айыппұлдардың саны әлі нақтыланбаған.

Еске салайық, Жол қозғалысы ережелерінің 87, 88-пункттеріне сәйкес, көлiктің басқа көлiк құралдарының жүрiсiне мүмкiндiк бермейтiн (кіру немесе шығу) немесе басқа көлiк құралдарының қозғалысына кедергi келтіретін (кептелiс) орындарда тоқтауына болмайды. Бұл қағидаларды бұзғандарға 10 АЕК (39 мың 320 теңге) айыппұл салынады.

Бұған дейін Алматыда жол қауіпсіздігін қамтамасыз ету үшін «Сергек» аппараттық-бағдарламалық кешенінің (АБК) 300 камерасы орнатылғанын жазғанбыз.

Сондай-ақ Алматыда автотұрақ бағасы қалай өзгеретінін жазған едік.