Полиция павлодарлықтарға көліктегі жарнама үшін айыппұл салуда
ПАВЛОДАР. ҚазАқпарат - Павлодар полициясы автокөліктегі жарнама үшін бес павлодарлықты әкімшілік жауапқа тартты, деп хабарлайды ҚазАқпарат тілшісі.
«Павлодар полицейлері техникалық регламенттерге, талаптарға сәйкес келмейтін, пайдалануға жарамсыз көлік құралдарын анықтау бойынша рейдтік іс-шаралар жүргізді. Полицейлер Назарбаев даңғылында «Daewoo Matis» көлігін тоқтатқан. Оны 27 жастағы павлодарлық жүргізіп келе жатқан. Бұл көлік құралы техникалық стандарт талаптарына сәйкес келмеген: оның жанындағы айнасына жарнама ілінген», - деді полиция департаментінің баспасөз қызметі журналистерге.
Белгілі болғандай, жүргізушіге қатысты ҚР Әкімшілік кодексінің бесінші бөлігі 590-бабы бойынша әкімшілік хаттама толтырылды. Оған 5 АЕК көлемінде айыппұл салынды.
«Қазақстандағы көлік құралдарындағы сыртқы жарнама стандарттары» 31306-2005 Қазақстан Республикасының ұлттық стандартымен жалпыға ортақ жолдарды пайдаланатын көлік құралдарының сыртқы беттеріндегі жарнамаларды қолдану бойынша бірыңғай талаптар белгіленген. Осы талаптарды сақтамаған жағдайда кінәлі тұлға ҚР Әкімшілік кодексінің 590-бабына сәйкес әкімшілік жауапқа тартылып, 12625 теңге көлемінде айыппұл төлеуге міндеттеледі», - деп түсіндірді полицияда.
Сыртқы жарнаманы пайдаланудың өз ережелері бар. Мысалы, стикерлік жабыстырма немесе плоттер аппликациясын жабыстырған кезде жабысатын пленканы қолдануға болмайды. Оны алған кезде көліктің лак-бояу қаптамасы құртылады. Сондай-ақ, оның түсі де стандартқа сәйкес болуы қажет.
Автор: Антон Гагарин.
