Полиция Талғарда 3 адамды қағып кеткен жүргізушіні ұстады
ТАЛДЫҚОРҒАН. ҚазАқпарат - Алматы облысының полицейлері кеше Талғарда үш жаяу жүргіншіні соғып, ЖКО орнынан ізін жасырған жүргізушіні ұстады, деп хабарлады ІІД баспасөз қызметі.
Зардап шеккендер ЖКО орнынан түрлі жарақаттармен жергілікті ауруханаға жатқызылды. Кейін біреуін үйіне амбулаторлық емдеуге жіберді.
Жедел шаралар барысында полицияның жол патрульдік іздеу бөлімінің қызметкерлеріне автокөліктің маркасын анықтап, 24 жастағы жүргізушіні ұстады. Жол-көлік оқиғасы фактісі бойынша қылмыстық іс қозғалды. Оны тергеу барысында зардап шеккендерге қажетті көмекті көрсетпей, оқиға орнынан ізін жасырғаны міндетті түрде ескеріледі, деп қосты ІІД.
