Португалиядағы әлем чемпионатында шымкенттік полицей жеңімпаз атанды
ШЫМКЕНТ. ҚазАқпарат - Португалиядағы әлем чемпионатында ОҚО ішкі істер департаментуінің полицейі Айдар Қошқаров жеңімпаз атанды.
Ол Португалияның Порnу қаласында өткен жатып көтеруден әлем чемпионатында 1-орынды жеңіп алды, деп хабарлады ОҚО ІІД баспас өз қызметі.
Шымкент ішкі істер басқармасының жол-торуыл полкінің инспекторы, ауыр атлетикадан халықаралық дәрежедегі шебер, полиция капитаны Айдар Қошқаров 350 келі зілтемірді көтерді. Сонымен бірге, пауэрлифтингіден үш жаттығуда - зілтемірмен отыруда, тұрып көтеруде және жатып көтеруде - барлығы 860 келі салмақты еңсерді. Осы нәтижемен оңтүстікқазақстандық полицей әлем чемпионатында екінші орынға ие болды.
Жарыстар 7 күн бойы өтті. Бұл жарыстарға әлемнің әртүрлі елдерінен 400-ден астам ұлттық құрамалардан 1000 спортшы қатысты.
