Прагада бокстан «Grand Prix-2010» турнирі өтеді
АЛМАТЫ. Наурыздың 9-ы. ҚазАқпарат /Әділет Мұсахаев/ - Прага қаласында наурыз айының 9-ы мен 14-і аралығында бокстан ересектер арасында 41-ші халықаралық «Grand Prix-2010» турнирі өтеді,
деп хабарлайды ҚазАқпарат.
Турнир АИБА тәртібіне сәйкес сегіз салмақ бойынша ұйымдастырылады. Қазақстандық ерлер командасынан 57 келіде - Ж.Момынов, 60-та - С.Бәшенов, 69-да - М.Өмірзақов, 75 келіде - Д.Сужанов, 91-де Ж.Кособуцкий өнер көрсетеді. Спортшыларды М.Айтжанов, А.Стрельников, Б.Сәрсекбаев сынды жаттықтырушылар бастап барады.
Ал әйелдер командасынан Жайна Шекербаева - 51, Марина Вольнова 75 келі салмақта сынға түседі. Олардың жаттықтырушылары В.Присяжнюк.
