Президент Іс басқармасының қызметкерлері тоғызқұмалақтан өзара мықтыны анықтады
АСТАНА. KAZINFORM – Бүгін Президент Іс басқармасында Наурыз мейрамы қарсаңында тоғызқұмалақтан турнир өтті.
Жарысқа Іс басқармасына қарасты мекеме қызметкерлерінен құралған 15 команда қатысты.
Тоғызқұмалақтан тартысты бәсекеде Президент Іс басқармасы орталық аппаратының ойыншылары Ерлан Әмірғалиев пен Алма Сағижанқызы бас жүлдені жеңіп алды.
Екінші орын МТҚБ Әкімшілік ғимараттар дирекциясының командасына бұйырды. Бұл ұжымның намысын Бекзат Қаржауов пен Ақерке Әбдыхан қорғады.
Ал Меруерт Бекішева мен Елжас Жүсіптің командасы ҚР Президентінің Әкімшілігі мен Үкіметі Әкімшілік ғимараттары дирекциясының командасы жүлделі үшінші орынға ие болды.
Айта кетсек, жеңімпаздар мен жүлдегерлерге арнайы кубок және диплом табысталды.
- Салауатты өмір салтын насихаттауға бағытталған спартакиада жыл соңына дейін жалғасады. Алдағы уақытта шағын футбол, волейбол, шахмат, қазақ күресі және басқа да спорт түрлерінен сайыстар өтеді,- деп хабарлайды Президент Іс басқармасынан.
Бұған дейін Президент Іс басқармасының ұйытқы болуымен тоғызқұмалақтан турнир өтіп жатқанын туралы хабарлаған болатынбыз.
Еске салайық, Президент Іс басқармасының қызметкерлері арасында әртүрлі спорттан турнирлер тұрақты ұйымдастырылып тұрады. Өткен жылы волейболдан өзара мықтыны анықтады.
Сондай-ақ былтыр қазақ күресінен де турнир өткен болатын.
