Президенттік сайлауда Хамид Карзай алда келеді

АСТАНА.  Қыркүйектің 3-і. ҚазАқпарат -    Ауғанстанда  президенттік  сайлаудың  қорытындысы     бойынша  берілген   бюллетеньдердің 60,34 пайызын есептеп шыққаннан кейін,     елдің  қазіргі басшысы Хамид  Карзайдың    жағдайы    нығайып  отыр.

Ауғанстанның   Тәуелсіз   сайлау комиссиясы       хабарлағандай,  Карзайды  қолдап  сайлаушылардың 47,3  пайызы - 3 миллион 689  мың 715    адам дауыс берген,  деп   хабарлайды  ИТАР-ТАСС агенттігі.

Екінші  орында  32,6 пайыз дауыспен  (1 миллион 201 мың 838  бюллетень)   елдің  бұрынғы сыртқы істер министрі  және  этникалық тәжік   Абдулла Абдулла  тұр.   Ал үштікті   11,6  пайыз дауыспен (426 мың 331  бюллетень)   Рамазан  Башардост  тұр.

Британдық  «Скай  ньюс»  телеарнасының   хабарлауынша,  Карзайға берілген дауыстың  өсуі оның  бірінші  кезеңде-ақ жеңіске жететінін,   дауыс берудің екінші  туры  болмайтынын  көрсетіп  отыр.   Бұл негізінен,     тәжік,  өзбек сияқты  аз ұлт өкілдері  тұратын елдің  солтүстігіндегі  дауыс беру  нәтижелерінің  есептеліп  болуымен байланысты.