Президенттің бұрынғы баспасөз хатшысы Руслан Желдібай жаңа лауазымға ие болды
АСТАНА. KAZINFORM — Қазақстан Республикасы Президентінің экс-баспасөз хатшысы Руслан Желдібай жаңа қызметке тағайындалды, деп хабарлайды Ақорданың баспасөз қызметі.
— ҚР Президентінің бұрынғы көмекшісі — Президенттің баспасөз хатшысы Руслан Желдібай Мемлекет басшысының штаттан тыс кеңесшісі болып тағайындалды, — делінген хабарламада.
Руслан Желдібай Т.Рысқұлов атындағы Қазақ экономикалық университетінде (2010), Уорик университетінде (Ұлыбритания) білім алған. «Болашақ» бағдарламасының түлегі.
Еңбек жолы:
«Қазақстан» ұлттық телеарнасында редактор (2011-2012)
«Алматы» телеарнасында бөлім басшысы, продюсер (2012-2018)
ҚР Ақпарат және қоғамдық даму министрлігінің Ақпарат комитеті Интернет кеңістікте және әлеуметтік желілерде ақпараттық жұмыс жүргізу басқармасының басшысы (2018-2019)
ҚР Ақпарат және қоғамдық даму министрлігінің Ақпарат комитеті төрағасының орынбасары (2019-2020)
ҚР Президенті Әкімшілігі Ішкі саясат бөлімі меңгерушісінің орынбасары (05.2020-02.2022)
ҚР Премьер-Министрі Кеңсесі басшысының орынбасары (02.04.14.2022.2022)
Қазақстан Республикасы Президентінің Баспасөз хатшысы (14.04.01.05.2022.2023)
Қазақстан Республикасы Президентінің Әкімшілігі Басшысының орынбасары — Президенттің Баспасөз хатшысы (05.01.09.01.2023.2023)
Қазақстан Республикасы Президентінің ішкі саясат мәселелер және коммуникациялар жөніндегі көмекшісі (01.09.02.17.2023.2025)
Қазақстан Республикасы Президентінің Кеңесшісі — Президенттің Баспасөз хатшысы (17.02.2025 бастап 29.01.2026 жылға дейін)
Марапаттары:
«Достық» ордені (2024)
Осыған дейін қаңтар айында Мемлекет басшысының Жарлығымен Руслан Желдібай Қазақстан Республикасы Президентінің көмекшісі – Президенттің Баспасөз хатшысы лауазымынан босатылғанын жазған едік.
