БҰҰ Бас ассамблеясының 80-сессиясы: Jibek Joly Президенттің сөз сөйлеуін онлайн көрсетеді

АСТАНА. KAZINFORM — Бүгін Мемлекет басшысы Қасым-Жомарт Тоқаев БҰҰ Бас Ассамблеясының 80-ші сессиясы аясындағы Жалпы дебатта сөз сөйлейді. Бұл туралы Ақорда мәлім етті. 

Президент Қасым-Жомарт Тоқаевтың сөз сөйлеуі Jibek Joly арнасынан тікелей эфирде көрсетіледі.

Сондай-ақ Мемлекет басшысының сөзін Ақорданың әлеуметтік желілердегі парақшаларынан және 24kz телеарнасынан Астана уақытымен сағат 21:30 шамасында көруге болады. 

Бұған дейін хабарлағанымыздай, бүгін Мемлекет басшысы БҰҰ Бас Ассамблеясының мерейтойлық 80-сессиясының Жалпы дебаттың ашылуына қатысады.

Айта кетейік, Президент Қасым-Жомарт Тоқаев ТМД елдері басшыларының ішінде бірінші болып сөз сөйлейді. Барлығы 97 мемлекет басшысы қатысады.