Прокурор жол-көлік апатынан кейін қызметінен босатылды
АСТАНА. ҚазАқпарат - Мәскеу түбіндегі Электросталь прокуроры мотоциклші зардап шеккен жол-көлік апатынан кейін қызметінен босатылды, деп хабарлады ТАСС Ресейдің Бас прокуратурасының баспасөз қызметіне сілтеме жасап.
«9 тамызға қараған түні Мәскеу облысы Ногинский ауданы Старая Купавняда Электросталь прокуроры Николай Шипунов жүргізген көлік жол-көлік апатына ұшырады. Осыған байланысты прокуратура органдары қызметтік тексеріс жүргізді. Нәтижесінде Шипунов Бас прокурордың м.а. Александр Буксманның бұйрығымен 10 тамызда қызметінен босатылды», - деп хабарлады ведомствода.
Мәскеу түбіндегі құқық қорғау органдары мәлім еткендей, прокурор көлігі байкермен соқтығысқан. Байкер ауыр жарақаттанды. Ақпарат көзі атап өткендей, алдын ала болжам бойынша көлік рулінде прокурордың өзі болған.
