Путин Порошенкомен сөйлесті

АСТАНА. ҚазАқпарат - Нормандияда екінші майданның ашылғанына 70 жыл толуына арналған салтанатты рәсімге қатысу үшін келген Ресей Президенті Владимир Путин Довилада Петр Порошенкомен жүздесті.

Германияның канцлері Ангела Меркель қатысқан екі ел көшбасшыларының әңгімесі Франция президенті Франсуа Олландтың атынан ұйымдастырылған ресми таңғы ас алдында өтті. РИА «Новости» хабарлағандай, Путин мен Порошенко бірер минут қана сөйлесті.

Бұдан бұрын Путин мен Меркель «Нормандия» қонақүйінің «Ван Донген» залында жабық есік жағдайында Украина ахуалын талқылады. Екі ел көшбасшысы журналистердің алдында қол алысып, суретке түсті.