Путин ВТБ акциялар пакетін жекешелендіру туралы қаулыға қол қойды
АСТАНА. 14 ақпан. ҚазАқпарат - РФ Премьер-министрі Владимир Путин ВТБ банкінің акциялар пакетін жекешелендіру туралы қаулыға қол қойды.
Бұл туралы ол Внешторгбанк басшысы Андрей Костинмен кездесуінде хабарлады. «Мен мәмiленi аяқтау туралы қаулыға қол қойдым», - деді Путин.
ИТАР-ТАСС хабарлағандай, Костин: «Мәлiмдемелердiң көлемi қазіргі базар нарығына сәйкес келетiн бағаны барынша көтеруге мүмкiндiк беретiн ұсыныстың көлемiн екi есе арттырды», - деп атап өтті.
