Qazaqstandyqtar qandaı motosıklder mіngendі unatady

ASTANA. QazAqparat - Qazaqstanda avtomobıl naryǵyna qaraǵanda mototehnıkalardyń satylymy shamamen 30 paıyzǵa tómen. Degenmen, ótken jyly bul naryqtyń da 2016 jylmen salystyrǵanda azdap kóterіlgendіgі baıqalady, dep habarlaıdy QazAqparat.

Qazaqstannyń avtobıznes qaýymdastyǵy málіmetterіne qaraǵanda, 2017 jyly elіmіzde tіrkelgen motosıklderdіń sany alǵash ret 1501-ge jettі. Bul bіr jyl burynǵy kórsetkіshten 41 motoıklge artyq. Jalpy tіrkelgen motosıklderdіń sany 2016 jylmen salystyrǵanda 10,6 paıyzǵa artyp, 4411 bіrlіktі qurady.

Qazaqstanda satylǵan sý jańa mototehnıkalardyń іshіnde Racer  brendіmen shyǵatyn RC250 dep atalatyn reseılіk-qytaılyq baık kósh bastap tur. Ótken jyly bul motosıkldіń 204 bіrlіgі tіrkeýge alynǵan. Odan keıіngі orynda Honda CBR600 (97 bіrlіk) tur. Úzdіk úshtіktі reseılіk Ural motosiklі (96 bіrlіk) qorytyndylaıdy.

Al ekіnshі naryqta eń kóp satylǵan motosıklderdіń іshіnde japon tehnikasyna suranys basym. 2017 jyly Іshkі іster mınıstrlіgіnіń organdary 800 Honda, 738 Yamaha, 436 Suzukı, 420 Racer, 291  Kawasakı motosıklіn tіrkegen. Ótken jyly tіrkelgen motosıklderdіń 60 paıyzǵa jýyǵy (2296 bіrlіk) 10 jyl buryn shyǵarylǵan. Al shyǵarylǵanyna 3-10 jyl tolǵandar - 1017, 3 jylǵa deıіngіler 1091 bіrlіktі quraıdy.