Ресей мұнай және мұнай өнімдерінің экспорты бойынша бірінші орынға шықты

АСТАНА.  Қыркүйектің  8-і. ҚазАқпарат -   Халықаралық   энергетикалық  агенттіктің (International Energy Agency, IEA) мәліметтері  мен   Bloomberg агенттігінің  есебі  бойынша,   ағымдағы жылдың ІІ  тоқсанында Ресейдің  мұнай    және мұнай  өнімдерінің    экспорты тәулігіне   7,4  миллион  баррельге  дейін  өскен. 

   Ал есесіне, қаңтар-маусым айларында Сауд  Арабстанынан  мұнай жеткізілімі   тәулігіне  7 миллион   баррельге  дейін   төмендеген.  Бұл туралы  Day.az басылымы   хабарлап  отыр.

 Жеткізілім   негізінен   мұнай бағасының  өсуіне байланысты  өндірістерін     арттырып отырған «Роснефть» (РТС: ROSN), «ЛУКОЙЛ» (РТС: LKOH)  және  ТНК-BP (РТС: TNBP) компанияларының арқасында   артып  отыр.

Сауд Арабстаны    мұнай  жеткізілімі  бойынша    І тоқсанның соңына  дейін  әлемдік    біріншілікті  қолдан бермей   келді,   оның  экспортының көлемі   тәулігіне 7,39 миллион  баррельді  құрап  келді,  ал ресейлік көрсеткіш    тәулігіне 7,25  миллион баррельді  құрады. Дейтұрғанмен,  Корольдік   өзінің  экспорттық  саясатын      былтыр     мұнай  өндірісін  4,2  миллион баррельге - тәулігіне  24, 845 миллион баррельге дейін   төмендету  туралы  шешім қабылдаған  ОПЕК  квотасына  сәйкес      жүргізуі керек.   2008 жылдың  шілде айында  картельдің  орташа тәуліктік  өндірісі  30,315 миллион   баррельді  құраған    болатын.