Ресейдің ТМД елдерімен сыртқы сауда айналымы дерлік 47 пайызға төмендеді

САНКТ-ПЕТЕРБОР.  Шілденің  7-сі. ҚазАқпарат /Елена Мягкова/ -  2009 жылдың  қаңтар-мамыр  айларынының  қорытындысы  бойынша  Ресейдің  Тәуелсіз  мемлекеттер достастығы елдерімен    сыртқы сауда  теңгерімінің   сальдосы  өткен жылдың сәйкес кезеңіндегі көрсеткіштен 42,6 пайызға   қысқарып,    8,6 миллиард  долларды  құрады.  Бұл туралы  Федеральдық   кеден қызметінің   хабарламасында айтылады, 

 деп   хабарлайды ҚазАқпарат тілшісі.

 2009 жылдың  5 айында  Ресейдің Достастық елдерімен  сыртқы сауда  айналымы өткен  жылдың   сәйкес  кезеңімен салыстырғанда  46,9 пайызға   төмендеп,   23,3  миллиард долларды    құрады.  Жалпы алғанда,   қаңтар-мамыр  айларының   аралығында  Ресейдің   сыртқы сауда айналымы     2008 жылдың     қаңтар-мамыр  айындағы  көрсеткішпен  салыстырғанда 45,8  пайызға азайып, 158,6  миллиард  долларды  құрады.

 Достастық  елдеріне  жөнелтілген  экспорттың  құндық  көлемі   45,9   пайызға  - 15,9   миллиард долларға  дейін азайды. Ал 2009 жылдың   қаңтар-мамыр  айларында Достастық  елдеріне  жөнелтілген экспорттың    құрылымында    отын-энергетика тауарларының  үлесі   36,5 пайызды құрады,  бұл  2008  жылдың сәйкес  кезеңіндегі көрсеткіштен 8 пайыз пунктке төмен.

 Өткен  5 айда   Ресейге    Достастық елдерінен жеткізілген импорттың көлемі  7,4 миллиард  долларды  құрады, бұл   өткен  жылғы деңгейден 49 пайызға  кем.