Республиканың басым аймақтарында аяз буып тұр
АСТАНА. Қаңтардың 21-і. ҚазАқпарат - Қазақстанға күшті әрі суық антициклондардың ықпалы жалғасып отырғандықтан бейсенбі, қаңтардың 21-і күні елдің басым аймақтарында суық ауа райы сақталады,
деп хабарлайды ҚазАқпарат.
«Қазгидрометтің» болжамдарына сәйкес, бүгін Оңтүстік Қазақстан, Ақтөбе, Қостанай, Ақмола, Қарағанды және Шығыс Қазақстан облыстарында кей жерлерде бұрқасындатып, 15-22 м/с жылдамдықта жел тұрады деп күтілуде.
Түнде Жамбыл облысының кей жерлеріне тұман түсіп, шығыстан 17-22 м/с жылдамдықпен жел соғады, таулы аумақтарда оның екпіні 27 м/с-қа дейін жетеді деп болжануда.
Маңғыстау және Қызылорда облыстарының кей аудандарында 15-22 м/с жылдамдықта, Атырау облысында 15-20 м/с екпінмен жел соғады.
Алматы облысында түнде кей жерлерде тұман болады, Жалаңашкөл аумағында 20-25, кей уақыттары 30 м/с жылдамдықта күшті жел тұрады.
