РФ президенті: Қырғызстанда екінші Ауғанстан пайда болуы мүмкін
АСТАНА. Сәуірдің 14-і. ҚазАқпарат - Вашингтондағы Брукинг институтында саяси және бизнес зиялыларымен кездесуде сөйлеген Ресей президенті Дмитрий Медведев, «Қырғызстанда азаматтық соғысқа жол беруге болмайды, әйтпесе онда екінші Ауғанстан пайда болуы ықтимал»,
деп мәлімдеді, дейді РБК хабарламасында.
Президенттің айтуынша, Қырғызстанның солтүстік пен оңтүстікке бөліну қаупі әбден мүмкін, дәл қазір ең бастысы - республикада азамат соғысына жол бермеу, егер бұл басталар болса, мұндай кеңістікке «неше түрлі лаңкестер мен экстремистер тарпа бас салады».
«Онда Қырғызстанның орнында екінші Ауғанстан пайда болуы ықтимал. Біздің міндетіміз - қырғыздық әріптестерімізге жағдайдан шығудың ең жайлы жолын табуға көмектесу», - деп есептейді ресейлік басшы.
«Қырғызстан тағы бір кезек заңсыз даму кезеңінен өтуде, өкінішке орай, бұған жауапкершілікті қоғамды біріктіру үшін тиісті күш-жігер жұмсамаған, оппозициямен келісімге келе алмаған, экономикалық істерді жүзеге асыра алмаған Қырғызстанның өз билігі мойындарына алуы тиіс», - деді Д. Медведев. Ол, Қырғызстанның бұрынғы президентіАсқар Ақаевты да «оппозиция тағынан тайдырғандығын» еске салып өтті.
