Риддер жылу орталығының қысқа дайындығы қалай
ӨСКЕМЕН. KAZINFORM – Шығыс Қазақстан облысы Риддер қаласындағы жылу электр орталығында қысқа дайындық жұмыстары аяқталуға жақын.
2024-2025 жылғы жылыту маусымына дайындық шеңберінде Риддер ЖЭО-да негізгі және қосалқы жабдықтарды, жылу желілерін жөндеу жұмыстары жүргізілуде.
Бас инженер Кирилл Голотаның айтуынша, қазіргі уақытта бірқатар қазандық агрегатында негізгі жөндеу жұмыстары аяқталып, оларды іске қосуға дайындық басталып кетті.
«№3 және №6 қазандық агрегаттары бойынша дайындық 97% құрайды. Олар 20 қыркүйекте іске қосылады деп жоспарланған. Белгіленген мерзімнен ертерек қосылуы да мүмкін», - дейді ол.
Кәсіпорынға жабдықтар жоспар бойынша жеткізіледі. 20 қыркүйекке дейін қала тұрғындары ыстық сумен қамтамасыз етілмек.
Айта кетейік, ЖЭО-да жөндеулермен қатар жылу желілерін қайта құру бойынша жұмыстар атқарылуда. Барлық негізгі жұмыстар аяқталу сатысында.
Еске салсақ, осыған дейін Риддер ЖЭО жұмысшыларына уақтылы жалақы төленбегені үшін кінәлілер жазаланғаны хабарланған.
