Рио-де-Жанейрода 200 адам лай көшкінінің астында қалды

АСТАНА. Сәуірдің 9-ы. ҚазАқпарат - Рио-де-Жанейрода жаңа лай көшкіні болды. 200-ден астам адам лайдың астында тірідей көміліп қалды. Ондаған адам із-түзсіз жоғалып кетіп отыр,

деп хабарлайды «Маяк» радиосы.

Лай көшкіні қаланың Нитерои ауданында орын алды. Оқиға орнында құтқарушылар жұмыс істеуде. 60-тай үй қирап қалды.

Естеріңізге сала кетейік, Рио-де-Жанейрода бірнеше күн бойы толассыз нөсер салдарынан орын алған су тасқыны мен лай көшкіні салдарынан осыдан бірнеше күн бұрын 150-дей адам қаза болған еді.