Роботтар «Фукусима-1» стансасын зерттеуге кірісті
АСТАНА. 19 сәуір. ҚазАқпарат - Жапондық мамандар «Фукусима-1» атом-электр стансасындағы апаттың салдарын жою барысында роботтардың көмегіне жүгініп отыр, деп хабарлайды «Азаттық» радиосы.
Шынжыр табанды құлтемірлер стансаның бірінші және үшінші реакторларынан радиациялық сынамалар алды. Радиомен басқарылатын роботтар апатқа ұшыраған энергоблоктарға жексенбі, 17 сәуір күні алғаш рет кірді. Атап айтқанда, олар №1 және №3 реакторлардың бірінші қабаттарында болып, радиацияның мөлшерін өлшеді. Бірінші реактордағы радиациялық фон 10- 49 миллизиверт/сағатты құраса, үшінші блоктағы радиациялық көрсеткіш- 28-57 миллизиверт/сағатты құраған.
