Рудныйда 5-қабаттан құлаған екі жасар сәби мерт болды

РУДНЫЙ. ҚазАқпарат - Қостанай облысының Рудный қаласында 2 жасар сәби терезеден құлап көз жұмды, деп хабарлайды ҚазАқпарат.

Бұл жайында мәлімет әлеуметтік желілерде тарады.

13 сәуір күні кешкісін 2020 жылы туған бала Павел Корчагин көшесінде орналасқан үйдің 5-қабатынан құлап кеткен.

Бүлдіршін алған жарақатынан ауруханада қайтыс болды.

Құтқарушылардың айтуынша, бала терезедегі москит торына сүйенген. Салдарынан ол шыдамай, бала тормен бірге жерге құлаған.

Оқиғаның мән-жайын полицейлер анықтап, тексеріп жатыр.

Рудный қаласының төтенше жағдайлар басқармасы балаларды пәтерде қараусыз қалдырмай, сақтық шараларын ұмытпау керектігін еске салады.