Рудныйда шенеунік пара алғаны үшін төрт жылға сотталды

ОСТАНАЙ. ҚазАқпарат - Рудный аумақтық ветеринарлық бақылау инспекциясының басшысы Бақытжан Сұлтанов пара алғаны үшін 4 жылға бас бостандығынан айырылды. Үкім №2 Қостанай қалалық сотында бүгін жарияланды.

Шенеунік кәсіпкерден 350 мың теңге көлемінде  пара алып жатқан кезде ұсталды. Кәсіпкер қатырылған балықты Қазақстанға кіргізуге рұқсат алуға талпынған.

Айыпталушы жасаған қылмысын қызметтік бабын асыра пайдалану деді.

Алайда сот оны пара алуда айыпты деп танып, қосымша жаза ретінде мүлкін тәркілеп, өмір бойына мемлекеттік қызметте лауазымды қызметті атқару құқығынан айырды.