Руслан Исраилов Қазақстан қоржынына Азиаданың бесінші алтынын салды
АСТАНА. ҚазАқпарат - Азия ойындарында Қазақстан қоржынына кезекті алтын түсті. Джиу-джитсудан 77 келіде ел намысын қорғаған Руслан Исраилов Азиада чемпионы атанды, деп хабарлайды ҚазАқпарат Olympic.kz сілтеме жасап.
Руслан финалдық сында қырғызстандық Нұрсұлтан Әлімқұловты жеңді.
Бұл джиу-джитсу шеберлері жеңіп алған екінші алтын. Кеше Дархан Нортаев чемпиондық атақты иеленген еді.
Сондай-ақ, 85 келідегі А. Гаврюлок қола медаль үшін күресте қырғыз спортшысын жеңді.
