Саблямен семсерлесуден Қазақстан әйелдер командасы Азия чемпионатында күміс жүлде алды

Саблямен семсерлесуден Қазақстан әйелдер командасы күміс жүлде алды
Фото: Olympic.kz

АСТАНА. KAZINFORM – Саблямен семсерлесуден Қазақстан әйелдер командасы тарихта тұңғыш рет Азия чемпионатының финалында өнер көрсетті. 

Қазақстан командасы Гонконг пен азулы Оңтүстік Корея құрамаларын жеңіп, финалда Қытай спортшыларына аз ғана ұпаймен жол берді. 

Осылайша, Айгерім Сарыбай, Карина Доспай, Анастсия Гулик және Жасмин Капыджыдан құралған Қазақстан командасы Азия чемпионатының күміс жүлдегері атанды.

Бұл – Кувейттегі Азия біріншілігінде Қазақстан қоржынына түскен төртінші медаль. 

Еске салсақ, бұған дейін шпагамен семсерлесуден Қазақстан ерлер командасы Азия чемпионы атанған болатын. 

Соңғы жаңалықтар