«Саламатты Қазақстан» бағдарламасының жетістіктерінен біз үлкен әсер алдық - ДДҰ Еуропа бюросының аймақтық директоры

АЛМАТЫ. 6 қараша. ҚазАқпарат - Қазақстанда өмір сүру жасын ұзарту, бала өлімі және шылым шегуді азайтуда біршама ілгерілеушіліктерге қол жеткізілген.

Бұл туралы Дүниежүзілік денсаулық сақтау ұйымының (ДДҰ) Еуропа бюросының аймақтық директоры Якаб Жужанна бүгін медициналық-санитариялық алғашқы көмек (МСАК) жөніндегі Алматы декларациясының 35 жылдығына арналған халықаралық конференцияда айтты. Оның айтуынша, 2014 жылы Алматыда ДДҰ-ның МСАК жөніндегі әлемдегі тұңғыш кеңсесі ашылады. Ол тек Қазақстан ғана емес, әлемнің 54 мемлекеті мүше болып табылатын Ұйымның Еуропа бюросы үшін инновацияларды дамытуда жетекші рөл атқаратын болады.