Салтанат Тұрсынбекова сайлау учаскесінде тілшілер сауалына жауап берді
«Көңіл-күйім, әрине, қобалжулы, енді сайлаудың нәтижесін күтеміз. Біз үгіт-насихат жұмыстарымен 12 өңірге бардық», - деді С. Тұрсынбекова тілшілерге берген сұхбатында.
Кандидат өзі жүргізген сайлауалды жұмыстарына, науқан мерзіміне толық көңілі толатынын және өзінің отбасы үлкен қолдау білдіргенін айтты.
«Халық тарапынан кері байланыс өте жақсы болды. Отбасым, екі перзентім, ағайын-туыстарым үлкен қолдау көрсетті», - дейді кандидат.
Айта кетейік, С. Тұрсынбекова Астанадағы Түркістан көшесінде орналасқан №107 сайлау учаскесіне келді. Ол ҚР Президенті сайлауына кандидат ретінде «Қазақ аналары – дәстүрге жол» республикалық қоғамдық бірлестігінің атынан ұсынылған еді.
Салтанат Тұрсынбекова мен оның сайлау штабы СҚО, Павлодар, Атырау, Маңғыстау, Қостанай, Түркістан,Қарағанды,Ақмола облыстарында, Астана, Алматы, Шымкент қалаларында сайлауалды іс-шараларын өткізді. Сонымен бірге, Астана, Шымкент және Алматы қалаларында, Ақмола, Атырау, Шығыс Қазақстан, Қарағанды, Қостанай, Маңғыстау, Павлодар, Солтүстік Қазақстан, Түркістан облыстарына барған.