Сарапшылар SSJ-100 лайнерінің тіркеуіш құралын тыңдауға кірісті
АСТАНА. 16 мамыр. ҚазАқпарат - Сарапшылар Индонезия тауларында апатқа ұшыраған Sukhoi SuperJet-100 ресейлік әуе кемесінің әңгімені өздігімен жазатын аппаратының жазбаларын тыңдауға кірісті, деп хабарлайды Би-Би-Си.
Айтарлықтай зақымдалғанына қарамастан, «қара жәшік» аудиожазбаны сақтап қалды, деп баяндады Өнеркәсіп және сауда министрінің орынбасары Юрий Слюсарь.
«Қазір табылған «қара жәшіктің» жазбасын тыңдаудамыз. Ол қатты зақымдалған, бірақ жадының модулі бүтін», - деді Слюсарь.
Жазбаны ресейлік және индонезиялық мамандар оқитын болады. Индонезиялывқ сарапшы Сисво Суварноның айтуынша, жұмыстарды аяқтау аптаның соңына қарай жоспарлануда.
