Шайбалы хоккейден әйелдер арасындағы әлем чемпионаты: Қазақстан құрамасының ойын кестесі

АСТАНА. KAZINFORM – 9-15 сәуір аралығында Ұлыбританияның Дамфрис қаласында шайбалы хоккейден әйелдер арасындағы әлем чемпионатының IB дивизионы өтеді.

Федерацияның баспасөз қызметі мәлім еткендей, Қазақстан құрамасы IA дивизионына жолдама алу үшін Оңтүстік Корея, Италия, Ұлыбритания, Латвия және Словения командаларымен бақ сынайды.

Төменде Қазақстан құрамасының ойын кестесі көрсетілген:

- 09.04.2025, 17:00 (барлық ойындар Астана уақытымен) – Қазақстан - Оңтүстік Корея -

- 10.04.2025, 17:00 – Италия - Қазақстан

- 13.04.2025, 00:00 – Қазақстан - Ұлыбритания (13 сәуірге қараған түні).

- 13.04.2025, 20:30 – Латвия - Қазақстан

- 15.04.2025, 17:00 – Словения - Қазақстан

Шайбалы хоккейден Қазақстан әйелдер құрамасы 2025 жылғы Азия ойындарының А тобындағы ойынында Жапониядан жеңілген еді.