10:15, 19 Ақпан 2016 | GMT +5
Шекарашылар 12,5 келі нефрит алып өтпек болған қазақстандықты ұстады
АСТАНА. ҚазАқпарат - Шекарашылар «Қорғас» өткізу пункті арқылы заңсыз жолмен 12,5 келі нефрит алып өтуге тырысқан қазақстандықты ұстады.

ҚР ҰҚК ШҚ баспасөз қызметі хабарлағандай, ұсталған азамат Қазақстаннан халықаралық шекара ынтымақтастығы орталығына жаяу бара жатқан кезде ұсталды.
Тексеру барысында оның иыққабынан 12,5 келі нефрит табылды.
Ұстау фактісі бойынша өзара әрекет етуші органдар хабардар етілді.