Шешенстан президенті Голливуд режиссерінің фильмінде басты рөлді сомдады

АСТАНА. ҚазАқпарат - Шешенстан басшысы Рамзан Қадыров «Түсінбеген түсінеді» фильмінде басты рөлде ойнады, деп хабарлады ТАСС. Бұл туралы ол әлеуметтік желідегі парақшасында хабарлады.

«Жақын арада теледидар экрандары мен кинотеатрларда «Түсінбеген түсінеді» фильмін тамашалаңыздар. Көп уақытқа созылған келіссөздерден кейін осы картинаға түсіп, басты рөлді ойнауға келістім. Жеке қойылымдар түсірілді», - деп атап өтті ол. Оның сөзіне қарағанда, фильмнің режиссеры - атақты голливудтық фильмдердің авторы. Сондай-ақ, фильмде ең танымал әлем киножұлдыздары түскен.