Шығыс Қазақстанда жыл басынан бері 38 келі есірткі тәркіленді

ӨСКЕМЕН. KAZINFORM – Шығыс Қазақстан облысында 2025 жылдың басынан бері 10 есірткі лабораториясы жойылды.

ШҚО Полиция департаменті баспасөз қызметінің мәліметіне сүйенсек, биыл облыс бойынша есірткінің заңсыз айналымына байланысты 86 қылмыстық іс тіркелді. Оның ішінде есірткіге қатысты 50 қылмыс анықталды. Атап айтқанда, 35-і сату, 2-уі аса ірі көлемде сақтау, 13-і құрамында есірткі бар өсімдіктерді өсіру фактісі. 

- Сондай-ақ 10 лаборатория жойылып, 1 контрабанда дерегі тіркелді. Заңсыз айналымнан 38 келіден астам есірткі, оның ішінде 37 келі марихуана, 1 келіден астам синтетикалық есірткі тәркіленген, - делінген ақпаратта. 

Ведомство дерегінше, есірткі қылмысының алдын алу үшін100-ден астам профилактикалық шара - дәрістер, дөңгелек үстелдер, акциялар мен спорттық кездесулер өткізілген.

Еске салсақ, осыған дейін Ақмола облысында полицейлер 5 адамды жанып жатқан өрт ішінен алып шыққаны жайлы жазғанбыз.