Шымкентте табиғи газ тарифі өзгерді

ШЫМКЕНТ. KAZINFORM – Бұдан былай жеке және заңды тұлғалар мен бюджеттік ұйымдар тауарлық газға көбірек төлейтін болды.

«QAZAQGAZ AIMAQ» АҚ Шымкент филиалының хабарлауынша, өзгерістерді Қазақстан Республикасы Ұлттық экономика министрлігі Табиғи монополияларды реттеу комитетінің департаменті бекіткен.

Тауарлық газды сатудың жаңа бағалары қосылған құн салығы мен тасымалдау тарифтерін ескере отырып белгіленген.

Енді 1000 текше метр газдың құны:

- халыққа – 40 470,18 теңге;

- заңды тұлғаларға – 44 204,44 теңге;

- бюджеттік ұйымдарға – 42 948,38 теңге,

- атаулы немесе тұрғын үй көмегін алатын халықтың әлеуметтік осал топтарына – 30 386,81 теңгені құрайды.

Айта кетейік, бұдан бұрын Шымкенттегі су желілерінің 50 пайызы тозғандығын жазған болатынбыз.