ШҚО-да «Өскемен-Қалбатау» трассасында қар құрсауынан адамдар мен техникаларды құтқару жұмыстары жүргізілуде
СЕМЕЙ. Қаңтардың 11-і. ҚазАқпарат /Лина Славина/ - Шығыс Қазақстан облысы бойынша төтенше жағдайлар департаментінің шұғыл хабарламасы бойынша құтқару бөлімшелері «Өскемен-Қалбатау» трассасында қар құрсауынан адамдар мен техникаларды құтқару жұмыстарын жүргізуде. Жолдың 55-інші шақырымында бүгін 20-дан астам автомобиль қозғалысын тоқтатты. Қатты соққан бораннан және көру қашықтығының төмендеуінен көлік құралдарының қозғалысына мүмкіндік болмады.
Оқиға орнында қазір құтқарушылардың, жол қызметінің топтары және жергілікті атқарушы органдардың өкілдері жұмыс істеуде. Құтқарушылар 7 КамАЗ-ға, 10 жеңіл автомобильге және бір рейстік автобусқа қала бағыты бойынша еріп келе жатыр. Құрбан болғандар мен зардап шеккендер жоқ. Жұмыстар іркіліссіз жүргізілуде.
