ШҚО-да топырақ астында қалған ер адам құтқарылды (ФОТО)
АСТАНА. ҚазАқпарат - Өскеменде Шығыс аймақтық аэромобильдік жедел-құтқару жасағының (ШААЖҚЖ) қызметкерлері жөндеу жұмыстарын жүргізу кезінде орда топырақ астында қалған 33 жастағы ер адамның өмірін құтқарып қалды.
ШҚО ТЖ департаментінің баспасөз қызметінен хабарланғандай, Көкжал Барақ көшесінде салынып жатқан нысанның аумағында орын алған төтенше оқиға туралы ақпарат таңертең келіп түскен. Сағат 9:50-де құтқарушылар операциясын бастады, ШААЖҚЖ-ның қызметкерлері ер адамды топырақ астынан шығару үшін бір сағатқа жуық уақыт жұмсады. Әрбір минут қымбат болған.
Сағат 11-дің шамасында құтқарушылар зардап шеккен азаматты топырақ үйіндісінің астынан шығарып, ол ауруханаға жеткізілді. Қазіргі кезде оның жағдайы қалыпты.
