ШҚО-дағы тасжолдардың бірі ертеңге дейін жабық болады

ӨСКЕМЕН. KAZINFORM — Шығыс Қазақстан облысында қар көшкіні қаупіне байланысты жолдардың бірі жабылды.

ШҚО Төтенше жағдайлар департаменті баспасөз қызметінің мәліметіне сүйенсек, Катонқарағай ауданындағы тасжолдардың бірінде қар көшкіні жүру қаупі артты.

— Соған байланысты жергілікті маңызы бар «Согорное-Барлық» тасжолының 1-25 шақырымында 8 наурыз сағат 08.00-ге дейін көліктің барлық түрі үшін қозғалысқа тыйым салынды. Көлік жүргізушілерін өз маршруттарын алдын ала жоспарлап алуды сұраймыз, — делінген ақпаратта.

Осыған дейін өңір құтқарушылары таулы жерлерде қар көшкіні түсуі қаупі жоғары екендігін ескерткен. Бұған күннің күрт жылытып, қардың жылдам ери бастауы себеп болып отыр. 

Еске салсақ, Шығыс Қазақстанда екі мәрте қар көшкіні түсірілгені хабарланған.