ШҚО прокуратурасы Көкпекті ауданында денсаулық сақтаудағы бюджеттік қаражаттың тиімсіз пайдалану фактілерін ашты
ӨСКЕМЕН. Маусымның 24-і. ҚазАқпарат /Людмила Малько/ - Облыс прокуратурасы Көкпекті ауданындағы №2 медицина бірлестігінде бюджеттік қаражатты пайдалануын тексерді және заң бұзушылық фактілерін ашты,
деп хабарлайды ҚазАқпарат тілшісі.
Атап айтқанда, Үлгілі санитарлық-дәрігерлік амбулаториясының аға дәрігері Ескүл Қалиеваның өзіне 1,25 ставка ресімдеп, қосымша заңсыз 690 мың теңге ақша алған.
Преображенка ауылында 2006 жылдан 2008 жыл аралығында басшылық жарты миллион теңге қаражатты мақсатсыз пайдалануға жол бергені анықталды. Бұл факті бойынша қаржы полициясы қылмыстық іс қозғады.
