ШҰҒЫЛ: Ақмола облысында жол апатына кінәлі жүк көлігінің жүргізушісі полицияның күзетуімен ауруханада жатыр
АСТАНА. 20 тамыз. ҚазАқпарат - ҚазАқпарат тілшісіне Ақмола облыстық ІІД-нің жол полиция басқармасының баспасөз қызметінен хабарлағандай, Ақмола облысында 19 тамыз күні болған ірі жол-көлік апатының қазіргі кезде негізгі кінәлісі деп танылған жүк көлігінің жүргізушісі тірі және орташа ауыр халде ауруханалардың бірінде жатыр.
Оның есімі тергеу мүддесіне орай жарияланбайды. Жүргізуші болса, ауыр жағдайына қарамастан полиция қызметкерлерінің күзетінде.
Сондай-ақ баспасөз қызметінен жол-көлік оқиғасына тап болған автобус пен жеңіл көлік жүргізушілерінің көз жұмғандары хабарланды.
Бұрын хабарланғандай, ағымдағы жылдың 19 тамызында сағат шамамен 20:50-де Алматы-Екатеринбор тас жолының 1309-шы шақырымында ірі жол-көлік апаты орын алды. Соның салдарынан 14 адам оқиға орнында көз жұмып, 20-дан астамы жарақат алды. тағы екеуі ауруханада қайтыс болды.
Жол-көлік оқиғасының фактісімен қылмыстық іс қозғалды, тергеу амалдары жүргізілуде.
