ШҰҒЫЛ: Кеше тараздық колониядан қашқан сотталушылар ұсталды
АСТАНА. 1 қазан. ҚазАқпарат /Ғалымжан Хасенов/ - Кеше тараздық колониядан қашып кеткен сотталушылар ұсталды, деп хабарлады ІІМ ҚАЖ комитетінің баспасөз қызметі.
Қылмыстық-атқару жүйесі жедел қызметкерлерінің шұғыл қолға алған шараларының нәтижесінде «қашқындар» бір тәуліктен кейін Тараз қаласының орталығында қолға түсті. Олар қарсылық көрсеткен жоқ.
Естеріңізге сала кетейік, 2011 жылғы 30 қыркүйекте таңғы сағат сегіздің шамасында ЖД-158/2 мекемесінен (жалпы режим, Тараз қаласы) екі сотталушы қашып кеткен болатын.
Бұл факті бойынша тергеу амалдары жүргізілуде.
