Шығыс Қазақстан облысында көлік қозғалысына шектеу енгізілді
АСТАНА. ҚазАқпарат - ШҚО-да ауа райының нашарлауына байланысты көлік қозғалысына шектеу енгізілді, - деп хабарлады «Қазавтожол» РМК баспасөз қызметі.
«9 қарашада 17.15-те Шығыс Қазақстан облысында ауа райының нашарлауына байланысты (қар, бұрқасын, жолдың нашар көрінуі) «Өскемен-Шемонаиха-РФ шекарасы» автожолының 108-123 шақырымында, Шемонаихадан РФ шекарасына дейін жолда көліктің барлық түріне қозғалыс шектелді», - делінген хабарламада.
