Шығыс Қазақстан облысының педагогтары референдумды қолдаған Үндеу қабылдады
ӨСКЕМЕН. 24 қаңтар. ҚазАқпарат /Людмила Малько/ - Шығыс Қазақстан облысының педагогтары Елбасы Нұрсұлтан Назарбаевтың өкілеттігін ұзарту туралы референдум өткізу туралы бастамаға бірауыздан қолдау білдірді.
Педагогтар қауымының жиналысына облыстың барлық аудандары мен қалаларынан 200-ден астам адам қатысты. Жаңашыл-педагог Қанипа Бітібаева ханым ұйытқы болған осынау жиналыстың қорытындысы бойынша, облыс педагогтары ҚР Тұңғыш Президентінің өкілеттігін 2020 жылға дейін ұзарту туралы референдумды қолдап Үндеу қабылдады.
