Шығыс Қазақстан облысының «Жас Отан» жастар қанаты құрдастарына үндеу қабылдады

ӨСКЕМЕН. 21 қараша. ҚазАқпарат /Людмила Малько/ - Өткен сенбі күні Өскемен қаласында өткен «Нұр Отан» ХДП аймақтық бөлімшесі саяси Кеңесінің кеңейтілген отырысында «Жас Отан» жастар қанаты Қазақстан жастарына үндеу қабылдады. Үндеудің мәтінін жас нұротандықтардың атқарушы хатшысы Мұхит Сүттібаев оқып шықты.
None
None

Ол жас қазақстандықтарды жоғары білімді, бәсекеге қабілетті және ең бастысы - өз Отанының патриоттары болуға шақырды. «Сіздерді еліміздің игілікті дамуы үшін еңбек етуге, басты құндылықтарды құрметтеуге шақырамыз. Біздің халқымыздың және ұлт Көшбасшысының арқасында біз 20 жылдың ішінде басқа ұлттардың ғасырлар бойы қол жеткізе алмаған жетістіктерге жеттік». «Нұр Отан» саяси Кеңесінің отырысында оқылған «Жас Отан» жастар қанатының мәтінінде Отанға қызмет ету, үлкендерді құрметтеу, кішілерге, әлсіздерге көмектесу, бабаларды ардақтау, білімді болуға пейілденуге негізделген мемлекеттің адамгершіліктік іргетасын нығайтуға көп көңіл бөлінген.

Шығыс Қазақстан облысының жас партия мүшелері өз құрдастарын елді-мекендерді белсенді абаттандыруға, Отанды ішкі және сыртқы жаулардан қорғауға, халықтар арасындағы бейбітшілік пен келісімді сақтауға, алдағы парламенттік сайлауға белсенді атсалысуға шақырды.

«Нұр Отан» бөлімшесінің саяси Кеңесі Шығыс Қазақстанның жас партиялықтарының құрдастарына арнаған үндеуін мақұлдап, қолдау білдірді және оны Қазақстанның барлық аймақтарына таратуға кеңес берді.

Соңғы жаңалықтар