Шығыс Қазақстанда «Допинг» республикалық жедел-алдын алу акциясы басталды

АСТАНА. 16 қыркүйек. ҚазАқпарат - Шығыс Қазақстанда «Допинг» республикалық жедел-алдын алу акциясы басталды. Бұл ақпаратты аталған облыстың ішкі істер басқармасының баспасөз қызметі таратып отыр.

Ведомствоның атап өтуінше, аталған шараның мақсаты облыс аумағындағы есірткі қылмыстарының алдын алу болып табылады.

Мәселен, іс-шара кезінде Өскемен қалалық ІІД Үлбі полиция бөлімінің қызметкерлері 24 жастағы қала тұрғынын 8 грамм есірткінің ең ауыр түрі героинмен қолға түсірді. Аталған азаматтың үстінен ҚР Қылмыстық кодексінің 259 бабының 1-1 бөлімі бойынша қылмыстық іс қозғалды. Тұтқындалған азамат 3-7 жыл аралығына бас бостандығынан айырылуы мүмкін.