Шығыс Қазақстанда колонияға ірі көлемдегі есірткі өткізбек болған арнаға тосқауыл қойылды
АСТАНА. Тамыздың 25-і. ҚазАқпарат /Ғалымжан Хасенов/ - Шығыс Қазақстанда қылмыстық атқару жүйесі, арнайы қызмет, ішкі істер бөлімі мен прокуратураның бірлесе жұмыс істеуі арқасында колонияға ірі көлемдегі есірткі өткізбек болған арнаға тосқауыл қойылды, деп хабарлайды Әділет министрлігі Қылмыстық атқару жүйе комитетінің баспасөз қызметі.
ҚАЖК режим басқармасының бастығы Ренат Қабиевтің айтуынша, аймақтағы бір қамау мекемесіне ірі көлемдегі есірткі жеткізу жоспарланып отыр деген ақпарат жедел іздестірушілерге белгілі бола салып, оның алдын алу үшін арнайы операция дайындалды. Бұл жоспар кәсіби түрде жемісті аяқталып, Семей қаласында 4 килә герион тиеген иномарка автокөлігі қолға түсті.
Жыл басынан бері республика бойынша колонияға тасымалданбақ болған 25 килә есірткі заттары тәркіленген, деп атап өтті Р.Қабиев.
