Шығыс Қазақстанда тасқын су қаупі ең аз дегенде тағы үш тәулік сақталады

АСТАНА. Сәуірдің 7-сі. ҚазАқпарат - Шығыс Қазақстан және Оңтүстік Қазақстан облыстарында тасқын су қаупіне байланысты тағы да ескерту жарияланды,

деп хабарлайды Төтенше жағдайлар министрлігінің баспасөз қызметінен.

«Күннің жылыну және жауын-шашынның ықтималдығына байланысты сәуірдің 7-сі мен 9-ы аралығында Шығыс Қазақстанның өзендерінде су деңгейі көтерілуі, тау етектеріне мол судың жиналуы, өзен сулары арналарынан тасуы мүмкін», делінген «Қазгидрометтің» хабарламасында.

Синоптиктердің болжамы бойынша, сондай-ақ, алдағы тәулікте жауын-шашынның ықтималдығына байланысты Оңтүстік Қазақстанның тау өзендерінде су деңгейі көтерілуі мүмкін.